原本打算開一集，不過偶感風寒，須休息三日
見各谷各台對於Trump人人言殊：有罵其為魔鬼，也有捧其為上帝；有認為他直接受俄國控制，亦有認為他在「下大棋」
我認為：就烏克蘭而言，他現在既是委托蘇富比拍賣的客，自己也擔任拍賣官，貨品就係烏克蘭。誰出高價誰中標。對不同的競標者，他有不同的底價，但當然不會宣之於口
所以，他之所以對著同一可以不停變臉，不過係談判技倆，以求拿一個最滿意的價錢
噢，至於點解烏克蘭原本應該自己先貨主，現在卻係Trump US做咗貨主，原因好簡單：烏克蘭需要$，拍賣行其實可以提供融資服務，除了直接以烏克蘭的資源作抵押，也可以進一步為烏克蘭做receivable finance：收益直接出糧俾員工和sub仔後，以及還債後，才歸入烏克蘭國庫。簡單講：擁有權和統治權係你烏克蘭，但所有𧗠生權益和營運權歸我美帝
咁美帝套到烏克蘭在手，就向歐盟和俄普搞bidding，當然，分分鐘其實有暗標：就係美帝自己。對歐盟，代價就唔止係加軍費了，甚至現在也不急於接受其出價：畢竟德國大選臨近，如果本土黨，除了人所共知的極右AfD，還有一個新冒出頭的極左，雖然左但本土疑歐，兩者挖到近一半甚至超過一半票（德國地方選舉，前東德州都係呢個結果），咁就算主流組到閣，都弱勢至極，就算德法不脫歐，但癱瘓到歐盟的話，咁Trump美帝就可以用大量國與國的雙邊談判取代美歐談判，就容易各個擊破攞靚刁了
對俄普，有了烏克蘭和歐洲做籌碼，就向俄普開價：一齊夾偉大祖國，加上放棄照伊朗，放棄印度軍工市場，放棄黑海控制權。好處係會有落台階俾你（部分俄佔烏的領土俾你長期控制），甚至中亞和亞美尼亞還俾你，話唔定更投資落你的能源公司，有$一齊搵。你唔肯我就收起件貨當流拍，我背後撐烏繼續消耗你
就咁睇落，Trump應該穩做贏家乎？ 不見得
因為Trump在美帝內部張支票開大咗：既要減稅減息減政府開支，也要振興經濟和催谷技術發展，還要大力壓低通脹。讀過多少Econ101，都知道呢個係不可能三角
Trump的對策係：
1. 精簡架構，乃至將部分部門撤銷（估計會係教育部，反正用學卷制代替）
2. 武器現代化（無人機 + AI 以大輻減少貴野）
3. 用盡債務上限或運用所有在Fed和政府資產（如金）
4. 投資未來（主權基金）
5. 壓低能源價格（以上各項，其實都會向市場釋出淨流動性，加劇通脹。用便宜能源企圖抵消）
驟眼一睇，弱點就出來了：
1. 既要動大量人的利益，而相當部份的政策係要國會批的。而共和黨在眾議院的優勢不大，不到10個非Trump派的倒戈就已經可以攔住
2. 債務上限也影響到可以洗的銀紙。雖然財長Bessent有後備方案（即盛傳的gold revaluation），但係，最穩妥仍然係直接提升債務上限，咁就要玩國會dynamics
3. 壓低能源價格一事上，雖然美國有強大的油氣儲存，但係已經生產中的，已經用到90%以上的產能。新的油氣投產須時，非100天內就足以壓低油價；重啟舊有的，則請人可沒那麼容易（而且一爭人，就會帶動通脹），最好就係OPEC大頭Saudi和UAE，再加上聽話的俄國增加供應
換言之，Trump需要：
1. 取得就算不喜Trump and Trumpism的人也不得不認可的耀眼功績，用民望向國會施壓
2. OPEC + 大力增產，短期將油價推跌到，say，55左右的水平，才可以在CPI上取得significant drop，足以減息
現在各位應該可以看到為何Trump那麼大動作急於結束烏戰，而下週的會議居然係由Saudi居中協調吧。同時，為何早一日大屌澤仔然後和Putin親善，第二日又派Kellogg見澤仔又取消press conference，卻又失驚無神對俄普強硬，連Putin都話詫異吧。
其實沒什麼好奇怪的，講價技倆矣。烏克蘭的條件比之前改善了，歐盟枱底又升了價錢，那麼倒過來向俄國抬價，在會談前刻意恐嚇俄國，讓俄國猜不透而已。
然而，如果係在會談剛開場前或會談中突然反面孖差，咁樣的心理震撼強得多。現在有好幾天給俄國佬去準備，人家又不是白痴，自然猜出Trump只係要價，但絕不想真的搞砸會談。
咁對俄佬其實就好辦多了；因為俄佬唔係冇牌打。除了油氣、偉大祖國係牌、歐盟也有牌、沙地、土耳其，乃至以色列都係牌。甚至，會談本身就係一張牌，一個籌碼了：只要美國在會談期間不積極支持烏，甚至冷待，就能給俄國喘息buy time的機會。尤其歐盟唔係鐵板一塊，更甚者得到Trump and Musk endorse的本土疑歐派，基本上都反對援烏的，即係美國的態度會令唔少國家，特別係非歐洲國家，都會在援烏上放軟手腳，分分鐘可同時取悅美俄兩國
喂，你講咁多，預測乜野結果先？
呢個其實先係最unpredictable的部份。
Trump本人和團隊的目標和策略其實從來都utterly predictable；但正正因為Trump係以做deal來推動其政策，而非big picture -> 目標 -> 政策 -> strategy and tactic to implement呢種傳統模式，過程係dynamic，係不斷隨各種因素變化而調整，所以到底如何，現時頗多變數，未成定局，還要看各方的行動，以及有冇誰突然後欄失火等。
唯一可以肯定的是：就算呢次Trump幫烏克蘭拿到一個可以接受的deal，在其他國家眼中，美國唔係負責任的龍頭，而純粹係鋪鋪清的客仔。你識計時我都識，若美國只要稍為實力衰弱，恐怕唔少力量就會乘時而動了。
