根據Institute for the Study of War（ISW）的報導：
- 俄軍宣稱在May 23已經將俄羅斯自由軍等擊潰並驅離Belgorod和其他地區，並聲稱擊殺70名「烏克蘭民族份子」。而據路透社報導，和俄羅斯自由軍合作的俄羅斯志願軍的領導人聲稱行動成功虜獲俄軍的坦克、裝甲車、無人機等，代價係2人陣亡10人輕傷。
- 同樣根據ISW的報導，廚房佬宣佈將於6月1日結束其Wagner Group在烏克蘭的軍事行動，撤離該區，並用2個月時間補充人員和架生及休整。至於有冇用Arnold的獨有口音講「I will be back」就木宰羊（木宰羊 = 潮州話「唔知影」，即I don’t know）。
先評論消息一：對這種雙方都宣稱勝利的行動，欲較真的話，主要看兩樣：a，目的是否達到，和b，代價幾何。單以目標來看，俄軍達到驅離反抗軍的目的。至於反抗軍，若說保守佔區以引起更多反抗計，是沒能達到目的。至於雙方傷亡代價，條面數都難以驗證，姑且存而不論。
然而，若提升到戰略層面看，俄國顯然在不利的一方。
在反抗軍出動反攻俄國前，俄國仍可以大大聲在國內外宣稱係「西方和納粹烏克蘭侵略俄國而導致的俄國反擊」，因為take off all the rhetorics，的確係烏克蘭 + 西方 vs 俄國。然而如今不管俄國說那些人是「烏方恐怖份子」，但那兩支反抗軍的領袖和背景並不神秘，又都亮過相，用google和wiki都找到（GPT-4的資料唔夠新，冇），俄國要老屈都唔易。
於是由純粹的西方+烏克蘭 vs 俄國，變成俄國反抗份子 + 西方 + 烏克蘭 vs 普京政權。即係俄國唔單止唔係鐵板一塊，而且有反抗者敢拿起武器和俄軍生死相搏。
當然，如果在本次行動中，俄軍能夠包圍攕滅這些反抗軍，鏡頭前展示戰俘、繳獲的武器，和被破壞的設施等，那麼自然能維持俄國「強大」的形象：至少對於小股的反抗軍，將其鎮壓消滅不成問題。
但除了把口講的「擊斃70人」外，乜都冇。
用common sense諗：若然俄軍做到，唔使我提都會做。乜嘢都冇得睇，即係冇，而且冇到連fake個鏡頭都做唔到。咁呢個所謂的push back，真係push back，甚至根本係那此反抗軍主動撤出，並且借機會上鏡展示其戰利品和人員，直頭似話俾人聽「一個字頭已經誕生」。
而更要命的是，Russian Volunteer Corps（另一支係Freedom of Russia Legion）的行動領導人話「we will be back, and more（個意思）」。即係其有生力量尚在，甚至增加中。被push-back只係執行游擊戰的經典打法「敵進我退」而已。誠如此，當俄軍一退，他們就會回來。須知Belgorod和其他邊區都具有前線補給站的作用。若經常被騷擾，效果一如楚漢相爭時的「彭越撓楚」，項羽就係咁被彭越搞到補給跟唔上，始終冇足夠的優勢兵力消滅劉邦。
於是，上到戰略層面，反映到一、俄國有反抗者武裝反抗，二、俄軍無能，三、俄軍在烏克蘭戰場將更加困難。在國際上，將堅定NATO和G7支持烏克蘭的決心，也提振烏國的士氣，更進一步打擊俄國政府和軍隊的士氣，並在戰場上分散其兵力和資源，在烏戰上更捉襟見肘。
咁的情況，聯立到第二則消息：廚房佬和Wagner Group放暑假，就更耐人尋味了。
當然，廚房佬其實煮野得唔得冇人知，但跳草裙舞𢱑補給𢱑軍費的能力算一流。焉知佢唔係重施故技，和普京開天殺價，落地還錢呢？又或者係華人最愛的「謀略」，佯裝撤退，誘敵深入或驕其兵，然後突然擊殺呢（但現代情報能力，這種deception極為困難）？
拔，姑且假設廚房佬到6月1日真的拖馬走人，咁就可以speculate：
- 廚房佬知道自己手上有的戰力只能捱到呢個地步，再打就被團滅。而戰力原本就係他的搵食資產和政治籌碼，行慣古惑的廚房佬唔會做普京的韮菜。
- 廚房佬已經評估過形勢，烏軍take back甚至將俄軍包餃都會出現。趁反擊達到少少「鏡頭效果」，自己已經威威食雞後，就施展「抹油神功」，快手走人，不但不用損失「資產」，更不用揹上戰敗責任。
- 廚房佬的軍費未收足，係時候帶埋兄弟，From Ukraine with Love，找好兄弟普京收欠薪尾數去。
- 由戰場和聖彼德堡市（廚房佬在俄之根據地也）的情況判斷，普京唔捱得好耐，或有需要準備好，返回俄國，again From Ukraine with Love，準備奪權，至少割據一方做軍閥。
- 不能排除的是：廚房佬枱底和西方傾deal。即係話，西方和烏國的真正反擊planning，至少第一階段，係烏軍先佔據戰略要點和物資（如核電廠），加上俄國反抗軍打游擊（分分鐘還有其他insurgency actions），而偏偏廚房佬揀呢個俄軍最吃緊的時間放暑假兩個月，豈不是明坑普京麼？而整個行動，時機配合得太好，沒法子不多少用點陰謀論睇。
- 當然，如果廚房佬更緊張錢，那麼飛回非洲搵真銀，亦唔係冇可能。
無論係邊個可能，客觀效果都係令普京的統治日益困難，舉步維艱。更要命的是。就算假設中國真的落場打，不論軍援俄國（受限於補給力和中國也將被全面制裁）還是開第二戰場（但係對美國計係兩種唔同打法，搾唔乾NATO資源），對普京的幫助亦只係聊勝於無。
好勒，且看廚房佬是否真的放兩個月暑假，而反抗軍又是否「I am back」吧……
